سياسة الخصوصية — أمين (AminApp)
آخر تحديث: 27 سبتمبر 2026
أمين منصة خدمات لأهل العريش: حجز العيادات، وطلب الأكل من المطاعم، وباص المدرسة، والكورسات، ودفتر أمين للمدرسين. الصفحة دي بتشرح إيه البيانات اللي بناخدها، وليه، ومين بيشوفها، وإزاي تمسحها.
البيانات اللي بناخدها
بيانات حسابك: الاسم، والإيميل، ورقم الموبايل أو الواتساب لو دخلت بيه. اللي بتعمله على المنصة: حجوزاتك، وطلباتك، وعناوينك اللي حفظتها، ومكانك على الخريطة لما تحدده بنفسك (للتوصيل أو باص المدرسة). بيانات طبية بس لو الدكتور بتاعك شغّلها (روشتة، تحاليل)، وبتفضل بينك وبين عيادتك. بيانات الأطفال في باص المدرسة بتدخلها المدرسة أو ولي الأمر، ومحدش بيشوفها غير أهل الطفل ومسؤولي الباص.
بنستخدمها في إيه
عشان نقدّم الخدمة اللي طلبتها: نوصّل طلبك، نحجزلك، نبلغك إن دورك قرب أو إن الباص وصل، ونحافظ على أمان حسابك. مش بنبيع بياناتك لحد، ومش بنستخدمها في إعلانات.
مين بيشوف بياناتك
بس الجهة اللي بتتعامل معاها: العيادة اللي حجزت فيها، أو المطعم اللي طلبت منه والطيار اللي بيوصلك، أو المدرسة وسواق الباص. إدارة المنصة مش بتشوف بيانات المرضى ولا الأطفال.
الخدمات اللي بنستعين بيها
Cloudflare لتشغيل الموقع وتخزين البيانات. Resend لإرسال الإيميلات. Meta (واتساب) لتأكيد رقمك لما تدخل بالواتساب. Google لو دخلت بحساب جوجل. OpenRouteService لرسم الطريق على الخريطة (بيوصله إحداثيات بس، من غير أسماء). كل خدمة منهم بتاخد اللازم لشغلها بس.
تسجيل الدخول بالواتساب
لما تدخل بالواتساب بتبعتلنا رسالة فيها كود من رقمك. بنستخدم الرسالة دي عشان نعرف رقمك ونأكد إنه بتاعك، ومش بنقرا أي رسايل تانية ولا بنبعتلك رسايل دعاية.
حماية البيانات
الاتصال بالموقع مشفّر، وكلمات السر متخزنة مشفّرة، والملفات الطبية ووثائق السواقين مش بتتفتح إلا لأصحاب الصلاحية. بناخد نسخة احتياطية كل ليلة.
حقك في بياناتك
تقدر تطلب نسخة من بياناتك أو تعديلها أو مسح حسابك. طريقة المسح موجودة في صفحة «مسح البيانات» (/data-deletion).
تواصل معانا
على الإيميل: aminappnet@gmail.com